Хөгжлийн бэрхшээлтэй иргэдийн эрхийг хамгаалах олон улсын өдрийг тохиолдуулан АНУ-ын Элчин сайдын яамнаас зохион байгуулсан цахим Төгсөгчийн яриа цувралд холбооны УЗ-ын гүшүүн Д.Хулан оролцлоо.
Ковид-19 цар тахлын улмаас улс даяар өндөржүүлсэн бэлэн байдалд шилжихэд, гишүүдийн санаачлгаар хэрэгцээтэй хүмүүст бага ч болов туслах аян өрнүүлэх санал хүсэлт ирүүлснийг холбооны УЗ дэмжиж, хандив төвлөрүүлэх ажлыг зохион байгуулалцлаа.
2019-2020 оны ЛИЙД Төгсөгчдийн Холбооны Удирдах Зөвлөлийн багаас 2020 оны 6-р сарын 26-наас 2021 оны 1-р сарын 15-ны хооронд Бүгд Найрамдахчуудын Олон Улсын Хүрээлэнгийн санхүүжилтээр DREAM төслийг 5 сарын хугацаанд амжилттай хэрэгжүүлж, төслийн хаалтыг цахимаар зохион байгуулж өндөрлөлөө.
Alumni Talk Series Vol 2.3 арга хэмжээг “Story of Sport Gurus” сэдвийн дор 2020 оны 11-р сарын 30-нд цахимаар зохион байгуулж, нийт 168 төгсөгч үзэж, сонирхсон асуултдаа хариулт авсан юм. Тус арга хэмжээнд ЛИЙД гэр бүлийн спортлог гишүүдээс буюу тууштай байдал, шаргуу бэлтгэлийнхээ үр дүнд амжилт гаргасан спортын мастерууд зочноор оролцлоо.
АНУ-н Элчин сайдын яамнаас зохион байгуулсан Америкийн Нэгдсэн Улсын Ерөнхийлөгчийн сонгуулийг үзэх "Election Watch" арга хэмжээнд Холбооны Удирдах зөвлөлийн баг оролцож сонгуулийн үйл явцтай танилцсанаас гадна, хүрэлцэн ирсэн 500 гаруй зочдод Холбооны зорилго, үйл ажиллагааг сурталчилж, цаашид хамтран ажиллах боломж эрэлхийлж үр дүнтэй оролцлоо.